將軍澳電視城

今日一早就到坑口地鐵站開野，之後就等齊人一齊入將軍澳電視城簽約。我地係入去之前，已經係度討論緊會唔會見到明星，當然我地好希望會見到啦。一去到，就要辦手續。之後就要上8樓簽約。我地上到去唔知左定右，於是就行左先，原來係藝員部，跟著我地個個都講，嘩.......實有明星係度啦。之後我地行右邊，就見到我地應該要去既地方。入到去就去左間房準備簽合約同做手續，足足做左成2個鐘，悶到我嘔電........做完之後就準備落Canteen食飯，仲要係第一餐，餓到我呢....

之後就出去等，係等既途中，我地所講既野開始開口中，第一個就係陳自瑤，一望落去就已經認到佢，跟著唔洗半分鐘，就到林峰係藝員部衝出黎問洗手間係邊，當時我呆晒，心諗.....你係度做架喎，點會唔知係邊。跟著又係唔洗半分鐘就殺出個鍾嘉欣出黎，可惜我睇到佢側面睇唔到佢正面........慘。落去Canteen途中陳自瑤一值同我地一齊，之後我地2樓出，佢就地下。我地就開始去開飯。去到第一時間就買野食，買完之後正常行返張台既時候，就係窗出面見到個女仔揮手，我好奇就望下啦，點知一望落去就見到楊思琦，真係好細佬。咁之後就食野啦，就見到鄧健泓係窗出面行過，隔左一陣就見到鄭嘉穎著住套老西行入黎Canteen買野食，個樣睇落去幾靚仔(我同佢黎比就緊係我比較.......咩啦....心照啦^^)，不過就老左小小。臨走既時候就見到洪卓立同佢經理人落左黎買野飲，帶眼鏡，手上拎住部psp，一定係機迷。我地走既時候，就俾我地見到既大隻佬，你地估下係邊個.......佢就係.........黃德斌，佢真係好大隻，留鬚仲要留得好型。我有佢咁大隻就好啦，仲有我好羨慕佢留鬚留得咁型。唔知到我可唔可以呢???之後就出番去坑口開工lu，最後結果都係冇單........炒蛋><

嘉年華

今日終於去左嘉年華，有阿南，香蕉，志偉，周柏同Miss湯 今朝去到金鐘，見時間仲早早地，就去左食個早餐。見未夠鐘入去就係附近商場行左一陣。跟著就行過去玩啦。一入到，就即刻玩左個最激既機動遊戲，心諗......熱都未熱身，咁快就玩個咁激既機動遊戲，真係......不過我地都玩左2次，真係好鬼激，好鬼正。原本你第一玩冇野既，但係第二次轉一轉個方向，諗住向海會好D啦，點知仲哀，玩完之後落到黎即刻見暈，真係慘><之後連續都玩左幾個機動遊戲，玩到我好快就謝左。跟著就要抖下啦。抖完之後就齊齊去玩碰碰車，大家都玩得好開心，撞黎撞去，感覺好正。之後睇佢地玩多幾個機動遊戲，就一齊去玩灘位遊戲，大家都有收獲，係唯一個人冇，個個人就係周柏鴻，笑死我地，最後我地去玩濕身既野，一口氣玩左4,5次，真係好正，自己濕之餘，衝落黎個一下仲可以令到其他人都濕，真係開心。

今日都影左好多相，又有風景，又有玩既情況，到走既時候，大家都拎住D戰利品影相。

今日真係玩得好開心，未試過玩到咁攰，睇黎今晚有排訓LU!

17歲

無聊

今日成日上堂都冇咩事發生。直到補課個時，我，金友同抽根一齊座，跟著抽根就講左一D野，金友就串佢白癡仔，金友當時個表情同講既語氣真係好攪笑，笑到我地3個死，跟著成堂補課就係咁串抽根係白癡仔，真係好笑。

補完課就睇左一陣波，就搭車返屋企，之後就落左去打機，今次打得好順利，係咁中，愈中愈多結果，就篤淨3000分，就去儲分。留番下次再玩，跟著就返屋企LU。

唔憤氣

今日放左學之後，就先後幫左Miss賴 and Miss莫做野，一做就做到差唔多6點，之後就同潮爆，抽根一齊落翠屏踢波，當然其他人就落左去先啦，仲有何sir都有份一齊踢。不過佢就慘lu，俾人撞完就即刻見暈同流牙血，真係慘lu。之後同我落場，第一場就贏左，不過之後個D就輸晒。我最慘就係一次頭鎚攻門俾人救番出黎，如果救唔到一定入，未試過頂得咁應。真係好唔底><跟著就去左吉野家食野，同金友、蕉、南南、周柏。我同金友同蕉叫左個牛肉火鍋，食到都幾飽。之後就上左去打機，睇見蕉D頭D技術好似差左小小喎。睇完佢打完，南南就同金友挑機，結果金友輸成1xxxM俾佢。跟著到我打灣岸，真係好嬲，係咁俾人雜車，仲要佢係度話我，話你踩BREAK我咪唔雜車囉。真係嬲到我呀！幾想打佢喔。